صراع البقاء الإلكتروني

خبراء الإعلام الاجتماعي لدينا (اللي هم مجموعة خيالات جوا راسي طبعاً) أنه من المهم  وضع قائمة إرشادية بأهم المهارات الحياتية التي يحتاج إليها المواطن الأردني الراغب في خوض غمار هذا الميدان لأنه الموضوع مش مزحة

أولاً: التسحيج: مارس الإنسان الأردني التسحيج منذ فجر التاريخ، لذلك ما في داعي نلت ونعجن ونعيد ونزيد ونشرحلكم شو يعني تسحيج. مهارة مفيدة جداً بتوصلك لفوق. من آثارها الجانبية التضارب في المبادىء والأقوال لأن ولاءك عادة ما يكون لجهة واحدة عرضة للتخبيص

 ثانياً: سواقة الشرف: فجأة بتظهر فوق راسك حلقة مضيئة وبتصير دون كيشوت زمانك وكل الناس طواحين هوا، طبعاً كون حضرة جنابك كامل الأوصاف فتني وعمرك ما عملت إشي غلط، وكونك الشخص اللي بلا خطيئة تعطي نفسك الحق برمي الحجر الأول، والتاني، والتالت، والمكتات، وكراسي البرندة…

 ثالثاً: سواقة الهبل: يعني بتكون الناس مدبحة بعض واتهامات وتخوين والوضع داحس والغبراء رسمي، وإنت بتكون بتكتب عن حبك للنوتيلا وبتحط فيديوهات بسس وكلاب جربا، كإنك عايش في عالم موازي

 رابعاً: تلطيش الحكي: من باب اللي ع راسه بطحة ولا عشرة عالشجرة، هيك بتوصل الرسالة بدون ما تحتك شخصياً بأي واحد لسانه زفر

خامساً: التهواية: بتكون متابع الحوار بحذافيره، وما إلك دخل لا من قريب ولا من بعيد، فجأة بتزت قنبلة، مثلاً بتعمل ريتويت لمسبة وبتكتب  “لول”  وبتروح… بيكوز كول غايز دونت لوك آت إكسبلوجينز

 سادساً: كبش الفداء: بتكون الحرب قامت وصارت اللي صار، فعشان إنت تهدي النفوس بتيجي بتحكي إشي زبالة وما إلو أي داعي بهدف تحويل الانتباه من الموضوع الرئيسي، وهيك الناس بتنسى خلافاتها وبتدق فيك… يا موحد القطرين

 سابعاً: إنك تطفي الكمبيوتر أو التلفون أو أي مدعوق بتستعمله وتحط راسك وتنخمد، لأنه ما فاز إلا النائم

وتصبحوا على خير

About these ads

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s