إيمتى رح نبطل متخلفين؟

الموضوع مش فيل قاعد بزاوية الغرفة وعاملين حالنا مش شايفينه، أظن صار من الواضح خلال السنوات الأخيرة إنه احنا بشكل عام، ورغم وجود نسبة من المتنورين، أمة متخلفة.00

السؤال: متى رح نبطل متخلفين؟

الجواب:0

لما يكون ولاءنا مبني على مصلحة البلد اللي عايشين فيها والناس اللي عايشين معهم، مش على أساس المنطقة اللي جد جدنا انولد فيها

لما نصير نحكم على الناس من خلال تعاملنا معهم مش على أساس وين جد جده انولد (كمان) أو الديانة المكتوبة على هويته

لما تروح على دائرة حكومية بدون ما “تسأل عن فلان الفلاني” عشان يزبطك

لما الواحد يبعت ابنه عالجامعة بدون ما يعطيه تعليمات بالابتعاد عن المشاكل والطوش لأنه ما في طوش أصلاً في “منارات العلم” وبدون ما يحذره من المشاركة في أي احتجاج أو مظاهرة حتى لو ضد إسرائيل أو الشيطان نفسه عشان ما “تصير عليه نقطة سودا”0

لما الواحد يتخرج من الجامعة وهو حاسس حاله إنسان جديد غير اللي كان قبل 4 سنين ومعلوماته زادت بنسبة 100% في مجاله

لما الواحد يصير يفرح بالمولود البنت زي ما بيفرح بالولد

لما نبطل نخلف ونزت الاولاد يتربوا بالشوارع أو مع الشغالات

لما نبطل نتعامل مع اولادنا كإنهم ممتلكات شخصية

لما نبطل نقول “الزواج زي البطيخة” الزواج إشي والبطيخ إشي مختلف تماماً

لما نبطل نعمل النصيب شماعة نعلق عليها عواقب قراراتنا السيئة. النصيب على عيني وراسي، بس ربنا أعطانا عقل عشان نقدر نختار نصيبنا

لما نبطل نحكم عالإنسان من نوع موبايله أو سيارته أو إذا كانت أواعيه ماركات أو لأ

لما يبطل الموضوع الأساسي اللي بنتسلى فيه بقعداتنا هو شللان عرض الناس، (العقول العظيمة تناقش الأفكار، العقول المتوسطة تناقش الأحداث، العقول البسيطة تناقش الناس)

لما البنت تقدر تقدم على وظيفة بدون ما تخاف تنرفض عشانها محجبة

لما تصير البنت تمشي في الشارع بدون ما تسمع تعليقات سخيفة، ولما يبطلوا المتحرشين يفكروا التحرش حق طبيعي، ولما يصير المجتمع بحاسب الرجال على غض البصر زي ما بحاسب المرأة على طريقة لبسها

لما سواقين السيارات في الشوارع يبطلوا يفكروا إنه بطلعلهم يعملوا اللي بدهم إياه ولو كان في تعدي على أولويات غيرهم

لما يصير الواحد يصف سيارته زي البشر، مش ياخد محل سيارتين عشان هو حر

لما نبطل نستخدم كلمة “منغولي” وخاصة لما نستخدمها كمسبة

لما نبطل نحكي عن كل شغالة “سيريلانكية” ونبطل نعتبر الشغالة عبدة اشتريناها بفلوسنا

لما نفرق بين “العيب” و”الحرام”

من باب التفاؤل ممكن نقول إنه إن شاء الله إذا بنشتغل على الجيل الجديد مزبوط ممكن خلال 40 50 60 سنة بس يموت الجيل الموجود حالياً… ممكن، بركي، احتمال نبطل متخلفين

About these ads

5 responses

  1. وجعتيلي ئلبي و الله :((( بس انا ما عندي امل بالمرة بهالامة لو بعد الف سنة !

  2. شللان عرض
    !
    شكلو جدك عاش بالزرقا كم سنة أو شي
    :]
    ———
    قليل لما نشوفك / نقرئك معصبة! قصدي بالهطريقة و لهالدرجة.
    أنا بضحط عحالي و بقول (هالكم آخر سنة) : كفانا! و لأنو كفانا بدي أشتغل على مطاق شخصي ضيق لأنو الحل الواقعي الوحيد بإيديّ حاليًا.
    ———
    لما الواحد يتخرج من الجامعة وهو حاسس حاله إنسان جديد غير اللي كان قبل 4 سنين ومعلوماته زادت بنسبة 100% في مجاله
    = أكثر وحدة قهرتني مع إنو في أهم منها!

  3. you forgot to mention people driving in their respective lanes instead of all over the place, use the bridge while crossing the street, and stop on the stop sign.

  4. ما بنصلح الحال إلا لما تصير حرب ونقطع بعضينا اول، وبعدين نقتنع انو بالتعوان بنصير، زي اروبا والحروب العالمية..

    او عندي حل تاني عنصري:

    perform sever IQ tests + emotional intelligence IQ

    delete from people where score < 130;

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s