عن خدمة أمانة عمان الكبرى الجديدة

عن خدمة أمانة عمان الكبرى الجديدة

Friday, September 25, 2009

“”حلمت إني أخدت مخالفة عشان سيارتي وسخة”

ما بعرف إذا كان الحلم إلو علاقة في الموضوع، الله أعلم، المهم إني تزكرته وأنا قاعدة على النت اليوم الظهر، فتذكرت إنه صارلي فترة ما تفقدت مخالفاتي على موقع أمانة عمان، المهم فتت وأنا بترقب كالعادة، والحمد لله ما لقيت مخالفات جديدة، كانوا هم المخالفتين الموجودتين أصلاً، بس كان في إشي مختلف وهو صورة كاميرا بترمش (بتروح وبتيجي)، المهم قلت لحالي يمكن هاي بتورجيك وين لقطتك الكاميرا، ضغطت عليها وإذا بها صورة سيارتي في الشارع محل ما أخذت المخالفة! تفاجئت بصراحة بس حبيت الفكرة، والمفاجأة التانية إنو المخالفتين في نفس المكان بالضبط لدرجة إني فكرت الصورة هي نفسها لولا فروق بسيطة…

يعني هي صحيح صارت فضيحة وعليها شهود، بس الفكرة فعلاً مفيدة وذلك لعدة أسباب منها:

1- بصير أسهل تعرف وين أكلت المخالفة، عشان لو أكتر من حدا بسوق السيارة بصير أسهل تعرف مين الي أخدها

2- بتعرف قديش كانت سرعتك، يعني أنا مثلاً في وحدة من الخالفات كانت سرعتي 91 كم/الساعة والسرعة القصوى 9ر80، يعني عشان 2 كم/الساعة انطقيت مخالفة 20 دينار، هيك الواحد بتربى وبتعلم درسه… مالهم الـ20 يدنار؟ حلوين! أنا أولى فيهم من إدارة السير مش بكفي ضريبة الدخل!

3-  عشان تعرف وين مكان المخالفة وتدير بالك أكتر عنده، زي المكان الي تخالفت عنده وهو على طريق المطار عند سيارة شفروليه معروفة وأشهر من نار على علم،  صار الواحد يفقدها لما يشوف مكانها فاضي!

4-  إذا كنت بتسوق سيارة أبوك أو أمك فبتصير تدير بالك أكتر لأنه مش حلوة بحقك يشوفوا صورة مكتوب عليها إنك كنت سايق على سرعة 140 في شارع السرعة فيه 90

5 –  لما تعرف إنو سيارتك ممكن تتصور وتنتشر صورتها  بتصير تدير بالك على نظافتها وتغسلها باستمرار، يعني تتخالف وتتصور بس إن ستايل

ومن الآخر، مخالفات أو بدون مخالفات، الحذر مطلوب والسلامة على الطرقات مهمة لأنو ممكن الواحد يضيع ويضيع حاله بثواني، والمصاري اللي بدك تدفعهم مخالفات ممكن تستفيد منهم في أشياء تانية… خاصة إذا كان الحكي اللي سمعته مزبوط وهو إنه عائدات مخالفات السير العام الماضي كانت 16 مليون دينار

وكان الله بالسر عليماً!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s