من إبداعات الشعب الأردني

الأمثلة الواردة أدناه لا تمثل غالبية الشعب الأردني، هاي اسمها طفرات، ولو إني بعتقد إنه في الأردن كل مواطن طفرة على طريقته الخاصة

 لما تفتح على إذاعة أردنية، بإمكانك تتوقع كل إشي. توقع تسمع إشي بضحك او بمغص أو إشي بضحك وبمغص في نفس الوقت أو حتى إشي يخليك تحكي مع حالك او تخبط راسك بستيرنغ السيارة وتصيح. خليني أعطيكم بعض الأمثلة عشان ما تقولوا إني بخرف حكي من راسي

المثال الأول: برنامج عن الحب والحبيبة، شكلها صايرة موضة هالأيام، ما علينا

بتتصل فيهم وحدة عم تحكيلهم قصتها، اسمعوا القصة وعن جد بليز كونوا موضوعيين وحاولوا تتأثروا ومش غلط تبكوا  إذا في جواتكم إنسان بحس! كتير مؤثرة لأنه

“كنت أكره ستايله وما بطيقه فحكيت معاه قلتله خلص أنا ما بدي إياك، ما بطيقك، صار يحاول يقنعني ويهديني بس أنا قلتله خلص أنا ما بدي إياك ما بطيقك، وتاني يوم حكى معي تلفون قالي انزلي تحت، نزلت قمت لقيته واقف على السايد التاني من الشارع ولابس أواعي بتجنن وعامل شعره وكتير ستايله حلو وحامل ورد، بعدين إجا يقطع الشارع قامت دعسته سيارة ومات، ومن يومها أنا مش قادرة أحب حدا بعده”

العبرة من القصة: اعمل شعرك سبايكي بتلاقي الحب الحقيقي، وديرو بالكم بيجي بيوم ليلة يعني أنا اليوم مش طايقة أسمع نفسك بكرة إذا بتيجي لابس الحبل وبتندعس بتصير حبي الأبدي وبخلصلك طول حياتي…

حبكم قراد بركي!

هي القصة ممكن تتمرق لأنه في أفلام عربية في الحياة بس اللي صعب تمرقه اللهجة السورية/اللبنانية اللي رح تشق حالها، يعني حتى نبرة صوتها بتقولك أنا أردنية وبدها تحكي لبناني بالخاوة… برضه ما علينا

المثال الثاني: برنامج مش عارفة شو هو بصراحة بس كان في ناس بتصلوا، واتصلت هالوحدة ودار الحوار التالي بينها وبين المذيعة

– أنا زعلانة لأنكم ما بتحطوا كتير أغاني لنانسي

– بالعكس، إحنا بنحب نانسي كتير وكل ساعة تقريباً بتمرق معنا نانسي

– أنا متابعة إذاعتكم 24 ساعة وما بتحطوا نانسي إلا كل 4 او 5 ساعات

ألطم؟ أشد شعري؟ يا حبيبتي إذا الموضوع معذبك لهالدرجة روحي اشتري سي دي من وحدة من هالبسطات، أنا بشتريلك إياه!! مش إنه إذا بتنزل على مزبلة في البلد بتسمع نانسي عالطريق

بعدين سؤال: إذا هي بتحكي إنها متابعة الإذاعة 24 ساعة فمتأكدة إنهم ما بحطوا نانسي كتير، شو بتعمل في حياتها؟ طيب بتروحش عالحمّام؟

ما علينا

المثال الثالث: نفس البرنامج، وحدة بتحكي معهم وشكلهم كانوا بيحكوا عن موضوع إنه إذا حدا عملك إشي مش منيح هل بتسكتله ولا بتسامحه، ما علينا المهم حكت معهم وحدة شكلها محروق راسها وصارت تحكي

“يعني مثلاً مرة كنا المفروض نطلع أنا وحبيبي وضليت أرن عليه وهو مسكر موبايله ولا كغنه في حدا بستناه ولا كإنه المفروض نطلع…”

أولاً، حبكم قراد وحدة تقول للتانية!! يعني أفهم من هيك إنه كلمة “حبيبي” صارت مرادف لكلمة “بوي فريند”!! أنا إمي بحياتي ما سمعتها بتقو ل لأبوي حبيبي قدامي!! بطلتوا تستحوا خلص!! بعدين “حبيبك” طقعلك، إحنا مالنا؟ محروق راسك ماشي ليش الفضايح عالهواء الطلق؟ ما علينا

هادا غير الدعايات ييهييييي عالدعايات!! أحلة إشي دعاية التأمين على الحياة، ضاربة عبو نكد!! قال بطلع صوت واحد خريج بحكي “أنا بشكر والدي اللي هو السبب في إني وصلت هون بس هو مش معنا اليوم” أو هيك إشي، كيف يعني بتعمل دعاية لواحد وبنفس الوقت بتذكره إنه ممكن يموت وما يشوف ابنه بتخرج من الجامعة؟ هو التأمين على الحياة أصلاً بنعمله دعاية؟ بصراحة مش خاطر عبالي هلأ كتير منهم بس هاي الدعايات قصة تانية

وما زال الإبداع الأردني مستمراً

  

12 responses

  1. يعني مش لحالي اللي مسكّر راسي من ورا الإذاعات المتخلّفة اللي عنّا
    المشكلة انا كتير بحب الراديو و بسمع الإذاعات طول اليوم. و من كتر ما سمعت .. انبطّيت !! بس لا حياة و لا حياء لمن تنادي…
    كلّه كوم و اصوات اللي بيحكو كوم! الله يكون بعون العالم على عقلاتهم

  2. هو عشان الصح مرات بكونوا المستمعين المشكلة مش الإذاعات!! ومرات الإذاعات خصوصاً برامج الأبراج وحظك اليوم وبرامج الحب والغرام… بس حياة إف إم مثلاً مثال كويس، ويام إف إم بحطوا أشياء حلوة وفن إف إم عالصبح…

  3. LOOOOOOOL 7abeeet sar jai 3abali afta7 el radio .. aw bel a7ra ashbek 3al radio .. bas such things happen to make u laugh or smile..
    add a spice to ur life🙂 Alla y5aleelna etto7af o ndal ned7ak 3aleehom🙂

  4. ya3ne ente toooo7fe … wla k2anno shab be7ke ^_^

    w ba3den sho mga3dek 3l radio eza fyo kol hl tafaha … 2na kol yom bsabbe7 3la 2a5ona el wakeel 3shan bas 2as7a men soto el mogref .. w ba3deha mobashara ba7awel 3la “Amn FM” .. 3l 2a2l ba3raf wen el 7awadeth el yom 3shan 2atfadaha …

    marra fel 2yam el ‘3abera .. wa7ad ne’3esh ga3ed janbe w lessa ma ma3e ro5sa wala share el sayara … w 5odelek 3la na’3ashe be 2a5er ellel w 2na ta3ban mn el sho’3l w badawer 3la “Mozart” fel radio .. w 2a5ena begleble 3la nancy w haifa w madre meen .. wel radio borgos men jeha wel shab tamaneen lsan fe ba3d men jeha w rase sar zy ballone w bel 2a5er bekamml na’3ashto w lakazne fe janbe w 2na b’3ar fa kont 7a3mel 7ades (la ma3e ro5sa wla el sayar be 2esme) .. wa2aft el sayara fe noss el share3 w zatteto barra zy geshret moze w 6ert !!!!

    wl na’3ashe tastamer ^_^

  5. شوفي يا علا

    بالاول الله ييعطيكي العافيه ويسلم اديكي

    واللي كتبتيه كتير منيح

    بس اعذريني شوي كنتي جرئه في النقد بغض النظر عن السلوكيات المتخلفه في اذاعاتنا

    ” بصراحه فهمت من حكيك انك متابعه للراديو كتير
    ما بعرف بس انه عادتن لما بنطلع بالسياره بنشغل الراديو وبندور على اغنه منيحه تروقلنا جو النكد واذا خلصت بدور على محطه تانيه بس ما عمري وقفت عند برنامج ولا دعايه !!!!!!!!!!!!؟؟”1

    المهم بتمنالك التوفيق
    ويسلم اديكي
    ويا ريت ما بنعطي انطباع سيء عن بلدنا الاردن بأي شكل كان وبأي صوره كانت بتمسه لأنه هالصفحه سارت بابلك لكل العالم ومش ميح نضحك العالم علينا

    وشكرا

  6. أولا مرحبا والله يعافيك

    أنا مش متابعة للراديو كتير بس من فترة لفترة بفتح يعن تخيل لو إني متابعة شو ممكن أسمع

    وبعدين أنا حكيت إنه هادا إشي ما بعبر عن غالبية الشعب الأردني يعني مجرد نهفات ما بتعطيانطباع سيء وإنما بتورجي إنه في أشياء غريبة وبتضحك في المجتمع زي أي مجتمع، وممكن يونوا مجر شباب في سن المراهقة وبمروا ي مرحلة معينة كمان، الله أعلم

  7. awl shi esm7eeli o5t ola ya3ni ana bla7th ktheer enk bteji bl ordon w bsh3bo ya tora ma al sbb >>>> ana ba7keelk ya ema eno had bedl 3la enk fels6eenyeh btekrhi el ordoneyh aw enk hablh >>> esm7eli enti btoktobi sh3’lat ma elha da3i ya3ni lw toktobilk sh3’leh t3llmi el nas mnha a7ssn ma t5li el kol ye9’7k 3lena >>>ana awl mra bshoof nas zai hek btoktob 3n el bld eli 3aysheh feha >> neji l EXAmple……. hssa lma te6l3i 3la dawleh 3rbeyh sho bedk te7keelhom >>>ana ba7keelk ordoneyh aw ordoneyh mn a9l fels6eeneyh sa7 f3shan hek el wa7d boktob 2shi ye6l3 mnee7 godam 3’ero >>> ba3den ya o5t ola kol sha3b elo saye2ato w 7snaato w e7na bl nsbeh l3’erna el kol be7lef feena >>> asef etha kont thaygtk w atmna te3meli remove ll comment ba3d ma t5l9ee 8eraa2a

  8. Baha’a, I’m Jordanian and I love Jordan, writing about these things doesn’t mean I hate Jordan or Jordanians. Whne you criticize things in your country it’s because you love it and want to make it better. w ba3dain hay kolha ashya2 3adiyyeh mawjoodeh 3end ay sha3b w mish dayman betkoon sayye2a, bel 3aks yemkin tkoon ishi momayyaz w funny 3adi ya3ni, don’t take it too seriously

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s