لما احترق الأقصى

قبل 40 سنة لما انحرق المسجد الأقصى، كانت رئيسة الوزراء الإسرائيلية وقتها هي جولدا مائير، فلما صار اللي صار اختبات وطلبت تشديد الحراسة عليها، فسألوها ليش هيك مرعوبة، قامت حكت:

“إنتوا عارفين شو يعني المسجد الأقصى ينحرق؟ هلأ الأمة العربية والإسلامية كلها رح تثور علينا”

مر اليوم الأول، لا شيء سوى الشجب والاستنكار

اليوم التاني، نفس الإشي

اليوم التالت، شرحو

جولدا شافت الموضوع هيك، قالتلهم : “هاي شكلها الشغلة فارطة، جهزوا حالكم من هون لعشرين تلاتين سنة اتهدوا الأقصى”

هاي القصة سمعتها اليوم، مش عارفة أستحي ولا أزعل ولا شو أحس…ز

يا ترى لساتنا بنحس؟

يا ترى لو شفنا المسجد الأقصى بنهد رح يتحرك إشي فينا؟


المصيبة مش بس إنه ينهد الأقصى، المصيبة ينهد وأمة كاملة واقفة بتتفرج، ويا ريتها بتتفرج عالأقصى، بتتفرج عستار أكاديمي وآخر مسلسل تركي على إم بي سي!

أمة كانت في يوم من الأيام أمة صلاح الدين وعمر المختار والمليون شهيد…ز

أمة محمد، صلى الله عليه وسلم… أمة كان الأقصى قِبلتها الأولى

صلاح الدين قال في يوم من الأيام: كيف أضحك والقدس أسير؟

بالله عليكم مش إشي بخلي الواحد يستحي من حاله؟

جولدا مائير قبل أكتر من 40 سنة كانت تخطط لهدم الأقصى، بس يا ترى لو انهدم الأقصى رح يصير اللي كانت مائير خايفة منه وهو إنه أمة كاملة تصحى؟ ولا حيصير اللي إحنا خايفين منه، وهو إنه أمة كاملة تنمسح بكرامتها الأرض؟

13 responses

  1. والله منا عارف إيش أحكيلك يا علا

    إحنا فش بإيدنا غير ندعي

    و ندعي للفئة القليلة اللي هناك و بحاربوا يوم بيوموا…هدول اللي كرامة كل العرب و المسلمين بإيديهم

    غير هيك…ربنا كبير كتير…و إذا الأمة كلها وقفت تتفرج…ربنا رح يحكم و حكموا هو اللي حيصير

  2. Actually, The arab world is now busy in what called “Living fight” and thats true.. We accepted to be living over a volcano of stressed and weak governments.
    They provide people with Sex and Food and they do not want us to think of anything else, they concentration is being redirected to 3 questions:
    How to make money? how to eat? and how to have sex?
    Look at arab right now, they are really weak, and they are not able to say a word or action toward Jerusalem while they are really to fight anyone else but not Israel.
    What is public is strength but what inside is a very old and solid weakness. they are trying to convince themselves that everything will be okay.

    Prophet Mohammad SAAW said: “The man who don’t get angry, is not a man” The messenger of god meant who do not feel or take responsibility of their Ummah issues. they are following the rule :Be cool!!!!!!

    Finally, Palestinians were fighting Israel for more that 60 years without a helping hand from anybody. As a Palestinian I say that out fault was our dream of “Arab being fighter to gain Palestine freedom” but that we failed and considered the wrong one. WE MUST continue on the right path, alone, we don’t need anybody!! because we believe that THE WEAKNESS OF HANDS AND MINDS WILL DAMAGE WHAT WE ACHIEVED UNTIL NOW.

  3. This hurts, and it even hurts more when i feel like we’re not even entitled to talk about this. The Palestinians who have lived with this for 60 years are sick of fighting and see no end in the future, their interest in having a normal life is wining the fight, and i don’t blame them…and for me to fuss and fight (with words) about this when i’m not really doing anything makes me feel helpless and unfair to even talk about the rest of il ‘2omeh il 3arabieh’ for i’m one of them and i am doing nothing myself…mish 3arfeh…

  4. حتى الآن الوضع غير مبشر بالمرة
    بالنسبة النا كمسلمين ففلسطين حتحرر يعني حتحرر,بالطالعة او بالنازلة,فهدا موجود في القرآن
    لكن ايش بدو يصير حتى نتغير و نروح نحرروا فأنا مش عارف الاشي السحري اللي حيصير و نصير جد ناس !
    بس زي ما حكا شريف,الله كبير,و الله اعلم شو حيصير في هالكم سنة الجايات

  5. رح ينهدم المسجد الاقصى, ورح ينقتل-يعقتل-يجرح كثير من العائلات اللي عايشة داخل القدس…بس
    مارح يصير شيء ثاني

    كم مظاهرة على كم أغنية

    على كم واحد حاطيين صورة مسجد قبة الصخرة وبيبكوا عليه

    بعد اسبوع الكل بنسى

    هذا الواقع…ليش نضحك على بعض ؟

  6. A lot of frustration in the comments… As Sharif said, Allah Kbeer!

    Dee, I’m talking in the first person plural, which is to say I am no exception, I agree with you that we’re not entitled but let this be at least a reminder

  7. كل من عليها فان! و يبقى وجه ربّك ذو الجلال و الإكرام

    ما في شيء مخلّد على سطح الأرض، و الكعبة من قبل الأقصى، هدمت و ضربت بالمنجنيق من المسلمين انفسهم.

    بعدين يا علا، هوة ضايل كرامة في هاي الأمة؟
    لكن من الواضح ان حتى رجال من نوعية رجال الجاهلية ما عنّا… شوفي شو هند بنت عتبه كانت تستصرخ في رجال الأمس…

    وأيها بني عبد الدار
    ويها حماة الأدبار
    ضرباً بكل بتار
    نحن بنات طارق
    نمشي على النمارق
    الدر في المخانق
    والمسك في المناطق
    إن تقبلوا نعانق
    ونفرش النمارق
    وإن تدبروا نفارق
    فراق غير وامق…

    و اليوم … لا حياة لمن تنادي يا علا

  8. بصراحة سؤال صعب الإجابة عليه … الكثير من العرب والمسلمين نايمين والكثير لا يسلك السبيل الأنسب … المشكلة اننا نريد أن تتحرر فلسطين والقدس في أيام ودون تعب ودون تضحيه … الصهاينة عندما اتو إلينا خططوا وبنوا طويلاً …. واحنا بدنا نحرر الأقصى بس عن طريق الصياح …. عم نتقاتل على المناصب والوزارات والترقيات وأشياء كثيرة… وحتى تحرير فلسطين كل حدا بدو يصير هو صلاح الدين عشان ينكتب اسمو بالتاريخ … والمصيبة إن ما حدا منهم زي صلاح الدين … الأقصى لو انهدم ممكن ينعاد بناءه بس الأمه إذا انهدم بنائها كيف بدنا نعيده …

    لك الله أيها الأقصى

    في القدس تنتظم القبور كأنهن سطور تاريخ المدينة والكتاب ترابها
    الكل مروا من هنا فالقدس تقبل من أتاها كافرا أو مؤمنا
    امرر بها واقرأ شواهدها بكل لغات أهل الأرض
    فيها الزنج والإفرنج والقفجاق والسقلاب والبشناق والتتار والأتراك أهل الله والهُـلاك والفقراء والمُـلاك والتجار والنساك

    فيها كل من وطأ الثرى
    أرأيتها ضاقت علينا وحدنا
    يا كاتب التاريخ ماذا جد فاستثنيتنا
    يا شيخ فلتعد القراءة والكتابة مرة أخرى أراك لحنت

  9. Pingback: Global Voices Online » Palestine: Anger At Opening Of Hurva Synagogue

  10. Pingback: Global Voices بالعربية » فلسطين: غضب لافتتاح كنيس الخراب

  11. Pingback: فلسطين: غضب لافتتاح كنيس الخراب · Global Voices الأصوات العالمية

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s