فعلاً: دنيا آخر وقت

كلنا بنعرف صلاح الدين، اسألوا أي ولد عمره 10 سنين بقلكم مين صلاح الدين، بس حدا بعرف كيف صار صلاح الدين هو صلاح الدين اللي بنعرفه؟

صلاح الدين حتى صار عمره 30 سنة، كان شاب عادي، كان يحب الخيل كتير وهادا كان أكتر شي بهمه في حياته، الخيل وسباقات الخيل، ولما صار عمره 30 سنة راح على مصر، وهناك شاف واحد من المحتلين الصليبيين داعس بقدمه على واحد مصري مسلم، ومن تلك اللحظة نذر صلاح الدين حياته لنصرة أمته، وكلنا بنعرف مقولته الشهيرة “كيف أضحك والقدس أسير” و

اللي ذكرني بهاي القصة إني اليوم كنت عم بقرأ عن الأسرى الفلسطينيين وقرات عن الأسير الفلسطيني رائد أبو حماد اللي قتلوه الجنود الإسرائليين ضرباً في السجن، وقرأت عن الطفل أحمد ياسر صباح اللي اعتقلوه وسجنوه مع إنه عمره 13 سنة بس. الموضوع ضرب على عصبي وصرت أفكر: يا ترى ممكن هلأ حدا يدب فيه الغضب زي ما صار مع صلاح الدين وتنقلب الدنيا؟ بلاش واحد، يا ترى ممكن أمة كاملة تثور عشان خبر زي هيك؟

الجواب: مش باين. أي نعم بدنا نتفاءل بس الوضع مش مبشر. وهاي مصيبة، بتعرفوا ليش؟ لأنه في سنة كونية كما يلي: كل ما يصير في فساد في الأرض والناس كلها تسكت عليه لازم الأرض تتدمر، وإذا مش مصدقيني اطلعوا حواليكم: لما الأطفال في فلسكين تندبح على عينك يا تاجر والمجتمع الدولي يوقف ساكت والحياة تضل طبيعية، ولما المسجد الأقصى يكون عم بنهد والناس كلها وافقة بتتفرج، شو في فساد أكتر من هيك؟ شو في فساد أكتر من قتل ناس وأطفال أبرياء بالآلاف؟ واطلعوا حواليكم وشوفوا المصايب اللي عم بتصير في الأرض، زلازل وبراكين ومصايب وبلاوي، لأنه الموضوع مش بس فلسطين، الموضوع موضوع بخص العالم كله وإذا كل الناس سكتت عالظلم، لازم يصير إشي

هادا هو آخر الزمان، فعلاً صرت حاسة إنه الدنيا بآخر وقت، والله يجعلها خالصة وخلص من هالشغلة وكل واحد ياخد نصيبه وجزاؤه اللي بستاهله! ى

3 responses

  1. الدنيا آخر زمن فعلا ً و الله يستر من الآتي!
    أظن أننا تخدّرنا لدرجة كبيرة و عميقة و أصبحت المشاهدات العجيبة و غير الإنسانية مألوفة و اعتيادية.

    ما أظن في حدا حتدب فيه الغيرة على الإسلام و المسلمين لأنو معطيات هذه الغيرة و التي تؤدي لإنتاج مثل هذه النماذج مفقودة -شبه- تماما ً.

    الله يعينّا و الله المستعان.

    * أنا أكره اللغة التخاذلية و لكن الوضع هو هكذا و واقعنا هذا هو
    ** كلمة “أشحك” السطر السابع تحتاج تعديلا ً لطفا ً — أضحك🙂

  2. على فكرة أنا شايف انه لسا عندك شوية تفائل
    مفكرة انه كتار اللي بعرفوا صلاح الدين ؟
    صدقيني في ناس طولهم طول الحيط و ما بعرفوا مين هو صلاح الدين
    خليها على الله !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s