تعليقاً على المسخرة

اليوم الصبح وأنا رايحة على الشغل سمعت خبر بقول: الحكم على بقال اعتدى جنسياً على طفلة في التاسعة من عمرها 5 مرات بالسجن عامين ونصف. طبعاً هادا خبر مش نكتة ولا تاغ لاين لمسرحية هزلية أو كوميديا سوداء…هادا بكل تناقضاته خبر صحيح وممكن تقرؤوه هون

طبعاً رد فعلي الأولي كان إنه شو هالمسخرة! بالمرة أعطوه حصانة سياسية… بس قلت خليني أقرأ الخبر وأشوف الحيثيات اللي أدت لهيك حكم… بما إني أكيد مش رح أكون افهم بالقانون أكتر من القاضي اليي أصدر الحكم، وكما هو متوقع لا جديد تحت الشمس

وخليني أحاول ألخص باختصار النقاط الرئيسية واللي بتحط المنطق في الأرض وبتدعس عليه كمان

1- بقولك الحكم على الجاني بعامين ونصف لأن أفعاله تطال العفة، طيب البنت اللي عمرها 9 سنين مش المفروض ينحكى بعفتها أصلاً لأنها طفلة، طفلة بريئة، العفة مصطلح بنستخدمه لما نحكي عن الكبار اللي ممكن يكونوا بعفة أو بلا عفة، أما طفلة في هالعمر المفروض يكون التركيز على الأذى النفسي والجسدي اللي وقع عليها، أهلاً عفة! ناهيك عن إنه المفروض نفصل بين العفة والشرف والاعتداء الجنسي ونبدأ نفهم إنه الاغتصاب لا ينتقص من شرف الضحية أو عفتها 0

2- بقولك الاعتداء لم يكن فيه تهديد أو عنف… وهون بنرجع لنفس النقطة، البنت عمرها 9 سنين يعني عنف مش عنف تهديد مش تهديد هاي جريمة بكل المقاييس وإن لم يكن فيها عنف ففيها أبشع أنواع الاستغلال

3- الزلمة اعتدى على البنت مش مرة أو مرتين، خمس مرات! يعني لو قسمنا المحكومية على عدد مرات الاعتداء بطلع لكل مرة 6 أشهر… حلوين! بس يا ترى لو كانت الطفلة بنت شخصية مهمة في البلد أو بنته للقاضي كان رضي بهيك حكم مخزي؟

وبعدين بقولك في ناشطين مناهضين لعقوبة الإعدام… طيب والأشكال اللي بدها إعدام يقص رقبتها شو نعمل فيها؟

11 responses

  1. عنجد مسخرة. هيك رجال بدو ضرب وتكسير عظام في كل جزء من جسمه. عندي بنوتة عمرها سنتين لو حدا فكر يمد ايدو على شعرة منها بقتلوا بلحظتها. شو هالمحاكم. مع هيك وحوش أنا مع عقوبة الاعدام. يعني شو بالنسبة انو هالحيوان البهيم دمر حياة البنت. حياة حقيرة

    بعتذر عن لهجتي الغاضبة والالفاظ بس هيك خبر بيغلي دم الواحد غلي

  2. بصراحة 5 مرات بالقانون لا يعتبر إغتصاب و بما أنو البنت جاية 5 مرات معناتو عقلها اكبر من 9 سنوات
    و هادا اذا الخبر صح 9 سنوات بالزبط و الله اعلم

  3. i3dam is just too easy for them. they should spend mo2abad in the jail!! I dont know when this will change and just be serious about the abused victims u yfakro

  4. والله هاذ مو ذنبك انت انك تدخلي يشغلات كمان انت مو فاهمة فيها يعني لو انت دارسة حقوق مثلا كان ممكن تدخلي بشغلات زي هاي المهم ويختسار الكلام لو انها بنت مسؤول او بنت مين ماكان راح ياخذ نفس الحكم لانك جالسة وعايشة في بلد القنون سواسية يعني لايفرق بين كبير وصغير ولا اردني وفلسطيني يا امورة ونهاية الكلام لونك تدخلي بالذاعة تبعتك بكون احسن

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s