بتذكر إني… 3

بتذكر مما بتذكر لما كنت في الصف التاني، كانت وحدة من بنات صفي اسمها عائشة، كانت تضحك كتير وكنا نتخوت كتير (هاي وحدة تانية غير تاعت الصف التمهيدي وقصة باكيت الشيبس)0

أنا وعائشة كنا نحب مسلسل ليالي الحلمية، مش عارفة إذا كنا نحبه ولا كنا نعرفه لأنه أهالينا بتابعوه  وبنعرف شخصياته، بس بتذكر إنه مرة صابنا هوس لحظي بالشخصية الرئيسية في المسلسل: أحمد الحلواني

كانت حصة عربي وطلبت منا المس نكتب أمثلة على أسئلة، يعني مثلاً لماذا ذهبت إلى المدرسة وهيك. أنا وعائشة صرنا نتهبل ونكتب جمل كلها فيها الفاعل “أحمد الحلواني”… لماذا أكلت يا أحمد الحلواني؟ لماذا رسبت يا أحمد الحلواني؟ وهكذا دواليك

المهم، وحدة من بنات صفي لسبب قررت إنه سلوكنا مشين وبينتقص من جدية الحصة فراحت حكت للمعلمة “مس، علا وعائشة بكتبوا أحمد الحلواني”0

طبعاً المعلمة ن بهدلت صحتنا وقالتلنا نكتب أمثلة زي البشر.  رحنا كتبنا ورجعنا عند المس عشان تصلحلنا وانتهى الموضوع على خير والحمد لله. بعد ما صلحنا دفاترنا أخدتني عائشة على جنب وسألتني شو كتبت، قلتلها المثال اللي كتبته ومش متذكرته بس هو إشي زي لماذا فعلت هذا يا باسم، اسم من هالأسماء. أما عائشة فورجتني المثال اللي كتبته واللي بتذكر فحواه لحد اليوم، لو مش متذكريته حرفياً، قالتلي عائشة:

“أنا كتبت لماذا فعلت هذا يا أحمد؟… يعني أحمد الحلواني”

وكان هذا أول درس تعلمته في الجكر والتحايل على القانون والتمسك بما تريد، ناهيك عن إنه درس قيم في الرسائل المبطنة

الله يذكرك بالخير يا عائشة وين ما كنت تكوني

 

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s