خايف من شو؟

إحنا متربيين في مجتمع بعلموك فيه تعمل كل شي بدافع الخوف. بندرس عشان خايفين ما نلاقي وظيفة، وبنشتغل عشان خايفين ما نلاقي مصاري وما نلاقي تقاعد لمكبرنا، وبنتجوز عشان خايفين ما نلاقي حدا يناولنا حبة الدوا بس نمرض، وبنخلف عشان بنخاف ما نلاقي حدا يحن علينا بمكبرنا، وبنضيع أحلى سنين عمرنا واحنا بنعمل أشياء بنكرهها أو مع أشخاص ما بنطيقهم عشان خايفين نعيش لحالنا لما نكون زهقنا الحياة من أساسها… ووبيقتلنا خوفنا من الحياة قبل ما نموت، وكتير أحيان بنموت عشان خايفين من الموت

بنعيش عشان خايفين نموت وبنموت عشان خايفين نعيش

أنا عن نفسي قررت أحاول قد ما بقدر أستبدل الخوف بالتجربة. إذا بدي أعمل إشي بدو يكون في وراه هدف، تغيير إيجابي في حياتي، ورح يكون تجربة… إذا اشتغلت فهي تجربة، وإذا نشرت كتاب فهي تجربة، وإذا تزوجت فهي تجربة، وإذا خلفت اولاد فهي تجربة… مش ضمانات مستقبلية عشان ما أخاف من المجهول، لأنه اللي بدو يخاف رح يخاف ولو عمل شو ما عمل، لأنه كل شي بتعمله ممكن يخرب، ممكن  أي مشروع يفشل، ممكن إذا تزوجت تتطلق، أو تترمل، ممكن اولادك يقلبوا عليك…  فلا تعمل إشي إنت مش قدو و مش مستعد إلو لمجرد إنك “خايف” وإن كنت مؤمن فلازم تعرف إنه التوكل على الله هو أحسن تأمين مكن تامنه على مستقبلك، والتوكل على الله يشمل إنك تعمل الإشي الصح، للأسباب الصح، مش بسبب الخوف أو قلة الثقة وغيره
رأي شخصي، وكل واحد عقله براسه بيعرف خلاصه

6 responses

  1. أنا خايف أكتب تعليق 🙂

    ————
    مش عارف إذا متربيين هيك و اللا الحياة هيه هيك أصلًا!

    مفهوم التجربة جميل و لكن حاجز الخوف هو أحد المعيقات فقط!

  2. تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًاوَمِمَّا رَزَقْنَاهُمْ يُنْفِقُونَ
    صدق الله العظيم
    اذا ما بتخافي من الله، بتصلي، وبتصومي؟

    اذا ما كان في امتحان، مين بدرس ؟
    الخوف اله ايجابيات، على سبيل المثال، طبيعة عملي تحتّم علي اني اكون حذر، لا اتكلم عن جودة ناتج العمل وهو شيء مفروغ منه، بل اتكلم. عن ‘ازا ما درت بالك، بتسوي انفجار، بتقتل حالك، و ابتخسر شغلك، ابتتسفر بره البلد، هاد على الصعيد الشخصي بس.

    مثال تاني، وكمان اله خص بالشغل وانا اعمل بالغربة، لولا الخوف من المستقبل، كان اجلت موضوع شراءبيت او ارض شوي عشان ‘استمتع بحياتي شوي’.

    المنظور سيان، التوكل على الله والواحد يعمل الاشي الصح للاسباب الصح ، صح! بس ضيفي كلمة ” وإلا.. ” عشان يكمل الميزان.

    كما اني اعتقد بوجهة نظري، انو ما في اشي الواحد بعملو يكون 100% صح، ذير از آ لويز أ تريد أوفّ، اشي عحساب اشي..

  3. هاي العبارة كتير عجبتني من فترة بس للاسف ما بعرف مين قائلها و هي بتدل على حالتنا النفسية من الخوف و الحياة
    الخوف لا يمنع الموت ….. ولكنه يمنع الحياة”
    حبيت المدونة و اكيد مش اخر زيارة
    و بتمنالك التوفيق بنشر كتابك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s