نفسي

نفسي أعيش في بيت في الريف، الريف اللي بنشوفه في الأفلام الأجنبية

ويكون عندي بسكليت، أروح فيه لكل مكان، ويكون كل شي بدي إياه قريب علي ولو بدي إشي من المدينة بروح مشوار خاص، بالباص

ويكون عندي بيت خشب من اللي سقفهم على شكل متلت، وإلو مدخنة وشباك في السقف زي اللي كانت تهرب منه جودي أبوت

ويكون إلو حديقة كبيرة إلها سور مش كتير عالي ويكون فيها بطة وحصان

وجيران بزورهم وبزوروني وبنطلع مشاوير وبنسهر مع بعض

وغرفة قعدة فيها تلفزيون قديم ومكتبة كبيرة ومعلق فيها لوحات كتير

وبرندة صغيرة عليها كرسي هزاز أقعد عليها بالليل وأسمع صوت الصراصير بدون ما أشوفها

ويكون عليها طاولة صغيرة عليها ورق واقلام دايما وأقعد أكتب عليها الصبح

وأكون زارعة في الحديقة بندورة وفراولة

ويكون عندي خزانة في المطبخ فيها كل أنواع الشاي

وأكون أعرف أطبخ، عشان كل كم يوم أدخل عالمطبخ وأنا رايقة وأعمل إشي زاكي وأودي للجيران

ما بدي أهرب من الواقع، بدي يكون هاد الواقع. واقع أبسط، شكله وهيئته أبسط بس مليان تفاصيل معقدة وحلوة بنفس الوقت…0

4 responses

  1. شكلي عدلت شوي لأنو اللي قرأته على الإيميل مختلف شوي كان
    بس الساعة 5:40 و مسطل مش قادر أرجع أقرأ هناك و أشوف الفرق!
    ————

    نفسي يكون جيران يزوروني و ما أسمع صياحهم كل (bold)

    ليلة
    ———
    و نفسي يكون فيه زاوية بكل غرفة ، خاصة بي
    عليها تيبل لامب صغير

    و/أو شمعة ب
    holder
    جمعتها من مكان زرته أو أهداني إياه حدا بس مش قادر أكون معه حاليًا

    و أنترك فيها دقائق كل يوم أسترجع إنسانيتي
    ———
    نفسي غرفتي تطل على حقل قمح بطول لا يمكن لي تجاوزه لا بالنظر و لا بالخيال
    يأسرني و يجعلني أسرح
    و أسمع صوت الهوا و هو بيزور هالحقل
    ———
    و نفسي بسجادة عليها صور أشخاص و أمكنة، خيطتها بنفسي شبر شبر
    أقعد عليها وقت الشتا و أتدفى فيها و فيها و بس
    ———
    و نفسي بخزانة صغيرة جدًا
    قرب باب البيت
    فيها بس مي
    +
    أوراق مختلفة الأحجام
    و قلم أو اثنين
    و ضو صغير
    أو يمكن قلم بضو
    مو مشكلة

    لما أرجع من تمشاية بنص الليل أو حتى وجه الفجر و يكون ببالي 100 فكرة أكتبهم قبل ما أدخل البيت
    ———

    خلص بكفي
    صابني اكتئاب!

    ———–

    بس خدي بالك ما بدي حيوانات!

    لا حصان و لا غزال حتى

    :]]

    ———

    البسكليت = حلم لن يتحقق
    عنجد
    “لن” 😦

    ————

    كفانا صراصير بالمناسبة

    جد!

  2. this one made me smile men awal kelmeh..w men awal jomleh 5atrat 3a balli doghri حودي أبوت fa dheket lama shoftek katbe esmha..w metel ma 2olty ya ret ykon hada waqe3 mesh nohrob men waq3na la nro7lo thx for your posts,u’re always drawing asmile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s