إنت احكيلي القصة

من أكتر الأشياء اللي بندم عليها بحياتي إني ما قعدت مع جدي وستي أكتر قبل ما يتوفوا وما سمعت منهم قصص أكتر. جدي الله يرحمه كانت هوايته يقعد يحكي قصص، بس احنا كأطفال ومن ثم مراهقين ومن ثم شباب في بداية العشرينيات ما كان الموضوع كتير يستهوينا، للأسف

لما صحيت على حالي بعد عدة سنوات ولما صار عندي مخزون قصص من هون وهون حسيت بأهمية توثيقها، وضمنت بعضها في روايتي “قبل السفر”، كنوع من العرفان لأصحاب هاي القصص

اليوم أنا جزء من مشروع أكبر وأوسع، بهدف لجمع القصص التراثية والشعبية، المعروفة أو غير المعروفة، وتركيزنا فعلياً على غير المعروفة، بهدف توثيقها وحفظها.  ولاحقاً إن شاء الله القصص رح تتحرر وتنجمع في كتاب إلكتروني  مع ذكر أسماء الناس اللي ساهموا فيها. وهناك احتمال لنشرها ككتاب ورقي كمان

إذا عندكم قصص سمعتوها من جداتكم أو أهاليكم أو إذا بتعرفوا ناس عندهم قصص من هاد النوع وحابين يحكوها وتتوثق بإمكانكم تبعتوها مكتوبة أو مسجلة صوتياً على الإيميل أدناه، أو إذا بتحبوا ممكن تتواصلوا معنا على نفس الإيميل واحنا بنيجي لتسجيل القصص مباشرة

E-mail: freeyourpen@projectpen.me

أو راجعوا صفحة الإيفينت على الفيسبوك: https://www.facebook.com/events/651061654937829/?ref_newsfeed_story_type=regular

ولمزيد من المعلومات تابعوا صفحة مشروع قلم على الفيسبوك أو تويتر

https://www.facebook.com/freeyourpen

@projectpen

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s