دعاء واعتداء

عزيزي المسلم اللي طول نهارك بتشارك أدعية عالفيسبوك وغيره: عمرك سمعت عن إشي اسمه الاعتداء في الدعاء؟

خلينا نتفق على إشي، الدعاء إشي رائع ومطلوب وهو عبادة بحد ذاته. بس للتوضيح:0

الدعاء مش ضروري يكون في سجع وقافية، يعني تكلف وصنعة في إشي المفروض يكون طالع من القلب، مش زابطة، وعلى فكرة السجع مكروه في الدعاء

وبما إنه المفروض يكون طالع من القلب فمش ضروري الدعاء يكون عبارة عن نص واحد كاتبه وحاطه على صورة وردة ولا غروب شمس عشان تقعد تسمع فيه كإنه درس محفوظات، متل العدد المهولمن الأدعية المتداولة عالفيسبوك والواتساب واللي أصلا بتلاقي فيها مليان أخطاء لغوية وحتى عبارات مغلوطة أصلاً وتخالف الدين

وبمناسبة الواتساب والفيسبوك، شو بالنسبة للأدعية اللي بتكون أربع صفحات فولوسكاب عالوجهين؟ أصلاً الإطالة في الدعاء مكروهة، وقصة إنه الشيخ يقعد يدعي نص ساعة والناس تقول وراه آمين هاي الله أعلم مين اخترعها، غير عن عشرات الأدعية اللي بكون في آخرها حديث مكذوب أو هي نفسها مأخوذة من حديث مكذوب ومالوش أصل، إنه يا أخي شغل مخك، بالعقل يعني معقول الرسول صلى الله عليه وسلم يحكي: “من أخبر الناس بهذا الدعاء فرج الله همه”؟ والناس بتبعت ما هب ودب. أصلاً إذا بتدوروا بتلاقوا إنه الأدعية المأثورة عن الرسول صلى الله عليه وسلم في أغلبيتها أدعية قصيرة مختصرة، “اللهم إنك عفو تحب العفو فاعف عنا”، “اللهم إني أسألك العفو والعافية”، أو الأدعية الواردة في القرآن مثل: “اللهم آتنا في الدنيا حسنة وفي الآخرة حسنة وقنا عذاب النار”…0

وبمناسبة الشيوخ والأدعية الطويلة، مش فاهمة من وين جابوا قصة الدعاء بالهلاك على مجموعات عامة من البشر… الرسول صلى الله عليه وسلم لما طلب منه أحد الصحابة يدعي على المشركين قال: “إني لم أبعث لعاناً وإنما بعثت رحمة”، وحتى لما دعا على بعضهم بأسمائهم نزلت الآية الكريمة: “ليس لك من الأمر شيء أو يتوب عليهم أو يعذبهم” – صدق الله العظيم

بعدين الدعاء الحقيقي لازم يكون خالص لوجه الله، يعني مش رياء ولا لفت نظر، يعني مش كل ما وحدة حبت تعيش دور سندريلا العصر الحديث وضحية المجتمع تروح تكتب: “يا رب ما إلي غيرك، يا رب صبرني على هالعيشة”… يختي ماشي، حلو، ناجي ربنا بينك وبينه، ليش بدك جمهور؟

وبعدين موضة ال:0
Generic Duaa

طبعاً هاي قصة لحالها، بتشغل برنامج يدعي عنك وإنت مش عارف أصلاً شو الأدعية اللي بحطها وشو الوقت اللي بحطها فيه، وهاي الأدعية بالنسبة لمتابعينك بتصير عبارة عن سبام وشيء مبتذل حتى الناس تبطل تقرأ أصلا. حط على موبايلك برنامج يذكرك تذكر ربنا طول الوقت مثلاً مش أحسن؟

ارحمونا يرحمكم الله

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s